|
P.P.A.
LANTAMENTO
Na anja 1949 un grupo
di ciudadano preocupa cu e rumbo cu e Politiconan na mando tabata
hibando Aruba, contra di e deseo di pueblo expresa den e eleccion
anterior, pa hiba Aruba den un Estructura Estatal segun e conocido Plan van Poelje, dunando Aruba igualdad den Reino Hulandes cu nos isla ruman
Curacao unda Aruba lo mester hanja 8 miembro di Staten y Curacao tambe
lo a hanja 8. Henny Eman senjor q.e.p.d. a laga e anjelo di Aruba cay y a scoje pa e interiem
regeling dunando asina Curacao 12 asiento y Aruba a keda cu 8.
HISTORIA
Pa esnan cu no sa,
despues di segunda guera mundial, pa ser exacto dia 17 di maart 1949, Aruba a tene su promer eleccion
democratico, unda tur Arubiano homber y mujer por a vota, pa eligi su
propio representantenan pa un constelacion nobo di e Reinado Hulandes cu
participacion di tur isla Hulandes, Surinam y Hulanda. Aruba, Curacao, Bonaire,
St. Maarten, St. Eustasius y Saba, den cuadra di e autonomia cu nos a
hanja for di Hulanda, despues di casi 300 anja di colonisacion Hulandes,
por a tene eleccion pa nos promer colegio di Staten (di Antillas). Staten, cu lo mester wordo institui di 19 miembro. Segun e Plan van Poelje, lo mester
a forma un Staten unda
Aruba lo eligi 8 miembro, Curacao 8, Bonaire 2, St. Maarten 1, St Eustasius
1 y Saba 1 miembro. Total 21. Cu e Plan van Poelje AVP a gana e eleccion
di 1949 y Henny Eman q.e.p.d. no a percura pa impone e deseo di Aruba aki den
formacion di nos Stuctura Estatal di e tempo ey e a "bende" e anjelo di
tur Arubiano aprobando e Interiem Regeling, dunando Curacao 12 .
Na e eleccion di 1949
ey a participa e siguiente partidonan/persona:
Partido UNA
Partido AVP
Sr. F.J.Q. Kwartsz (su so)
Na e eleccion ey
tabata tin 11.107 voto valido y e resultado tabata manera lo siguiente:
UNA -
4.799 voto - 3 asiento
AVP - 6.257 voto - 5 asiento
Kwartsz - 51 voto - 0 asiento
Sr. Juan E. Yrausquin,
miembro di AVP y numero 2 riba lista di AVP huntu cu sr. Porfilio (Fichi)
Croes numero 3 y hopy otro miembronan di AVP no tabata contento cu e
traicion di Henny Eman y a bandona AVP pa lanta nan propio partido, y Partido Patriotico Arubano
P.P.A. a nace.
E siguiente eleccion
cu Aruba a pasa aden ariba 21 di Dezember 1950, tabata atrobe eleccion pa
eligi 8 miembro di Staten di Antillas
(nobo conforme e Interiemregeling) y P.P.A. a participa cu 13 candidato. P.P.A. a hanja 2 asiento.
Na e eleccion ey
tabata tin 11.991 voto valido y e resultado tabata manera lo siguiente:
AVP -
4.474 voto - 4 asiento
PPA - 3.063 voto - 2 asiento
UNA 1 - 2.070 voto - 1 asiento
EP - 1.406 voto - 1 asiento
UNA 2 - 978 voto - 0 asiento
PPA no a forma parti
di e Gobierno cu a keda forma e biaha ey. E anja siguiente ariba dia 4
di Juni 1951 Aruba a bay na su promer "Eilandsraad Verkiezing" caminda
Aruba mester a eligi 21 miembro di "Eilandsraad" y P.P.A. a
hanja 8 asiento.
Na e eleccion ey
tabata tin 12.770 voto valido y e resultado tabata manera lo siguiente:
AVP -
4.510 voto - 8 asiento
PPA - 4.445 voto - 8 asiento
UNA 1 - 1.866 voto - 3 asiento
UNA 2 - 1.430 voto - 2 asiento
AOP - 519 voto - 0 asiento
Na e eleccion ariba
15 di November 1954, pa Staten di Antillas,
tabata tin 16.348 voto valido y e resultado tabata manera lo siguiente:
PPA -
8.412 voto - 5 asiento
AVP - 3.822 voto - 2 asiento
UNA - 1.749 voto - 1 asiento
Di eynan padilanti te
cu anja 1971 (cu exception di 1967) P.P.A. a logra un majoria absoluto
den Eilandsraad y un mayoria suficiente den Staten pa forma Gobierno.
Un Parada cu a hasi Historia:
Un
Parada di P.P.A pasando dor di cayanan di Oranjestad y drentando den caya principal
(1954) |
bravenet.com