Juan  
Enrique

Sirbidor di Pueblo, Estadista y Politico
Fundador di Partido Patriotico Arubano.

Juan Enrique Irausquin a nace na Aruba, dia 3 di december 1904.
Despues di lagere school na Aruba el a bai Corsow na unda el a sigui diferente curso den educacion comercial y tambe den accounting, money banking. Na edad di 14 aña el a drenta servico di Hollandsche Bank y den un tempo relativamente cortico a jega te na procuratiehouder. Implusa pa un ambicion di superacion, sr. Irausquin na 1929 a tuma retiro for di Hollandsche Bank y a drenta servicio di firma John Gerard Eman, cu durante algun tempo tabata haci negoshi bancario.

Na 1936 e firma John Gerard Eman den cooperacion cu Maduro & Curiels Bank N.V. a dicidi di funda e prome banco Arubano, esta Aruba Bank N.V., Juancho, manera popularment e tabata worde jama, a bira su Director.

Posicion cu el a ocupa te na aña 1951. Sr. Irausquin tabata activo riba hopi tereno. E tabata presidente di Camara di Comercio, di comission di Turismo y miembro di hopi comission economico, co-fundador di Rotary Club y Home Buildings Foundation na Aruba.

Na 1947 el a bira miembro di Staten y despues a sali re-elegi den tur eleccion na cual el a tuma parti. Varios biaha el a worden nombra presidente di Staten den reconocimento pa su capacidadnan parlamentario. For di aña 1948 Juancho a participa na tur conferencia importante tocante autonomia pa Antillas Neerlandes, manera Ronde Tafel Conferentie y e asina jama Kleinde commissie.

Na 1949 Juan Enrique Irausquin a funda Partido Patriotico Arubano (P.P.A.). Den e promer eleccion pa Eilandsraad na Aruba, Juancho a sali elegi, kedando miembro di e raad aki pa varios ama. Su Partido a keda den oposicion te na aña 1954. 

Dia 1 di april 1956 Juan Enrique Irausquin a worde nombra Ministro di Finanzas y Fomento, puesto importante cu el a keda ocupa te na su morte riba 20 di juni 1962. Juancho tabata casa cu sra. Maria Waitzberg.

Den reconocimento pa su hopi meritonan riba tereno politico, econo- mico y real, Su Mahestad La Reina Juliana a haya bon di nombre Officier den Orde di Oranje Nassau.

Aruba y Antillas Neerlandes en general a honra memoria di e ilustre Arubano inaugurando un estatua riba e pleintji dilanti Postkantoor y honrando e cu su nomber “Juan Enrique Irausquinplein”.
Gobierno di Aruba a duna e caya cual el a construi y tabata e infrastructura necesario pa e construccion di Hotelnan su nomber na 1992.

Vliegveld di Saba y un caya riba St. Maarten tambe ta carga su nomber como reconocimento di su contribucion na nan desaroyo y progreso. Servicio Postal di Aruba riba 1 di januari 1996 a sa di honra su memoria cu un stampia special na balor di 100 cent. Na conme- moracion di e di 50 ana di exsistencia di Partido Patriotico Arubano.          

Ta un deber sagrado y un obligacion di su dirigentenan pa dedica algun palabra di reflexcion na e gran figura Arubano fundador di P.P.A. y motor tras di economia Antiyano y Arubano.

P.P.A. kier accentua cu e motibunan di Juan E. Irausquin q.e.p.d. pa funda P.P.A. tabata hustamente e principionan sagrando di un Arubano cu ta sttima su Isla y no a desea pa esaki bai mas profundo den colonialismo cu ya caba e tabata meti.

Historia ta dicta cu na momento cu tabata tin cu kier a humilia Aruba, cu caracter el a sali na defensa di su isla y a propina nan un golpi.

Su nomber, labor, actitud, caracter, su sentimentonan pa problemanan di e ser humano den comunidad, tur esaki y mucho mas a hibe den tur skina di Aruba.