|
Ing. John R. PETERSON
Dedicacion:
Un otro caracteristica bon di John Peterson ta cu e tin un halto grado di
dedicacion ora e pone su mes pa haci algo. Sin e caracteristica aki un persona
dificilmente por logra su metanan cu e tin pa su mes. Di momento cu John a bira
un tienager e a desea di bira un Ingeniero. E a realisa cu ta solamente dor di
hopy dedicacion na su estudio e lo por logra esaki. Despues di e logro aki e a
regresa Aruba na 1983 y a tuma nota di e desaroyo y e rumbo di su Isla natal y e
sistema di gobernacion di e politiconan na poder di e temponan ey. Su opinion
tabata cu e fanatismo politico cu e mes un politiconan grandi di e temponan ey a
planta den cabes di e poblacion a pone cu e pueblo, siendo un pueblo hopy educa,
no ta dedica sufisiente tempo ni atencion pa analisa kiko tabata pasando na
Aruba y pa yega na un conclusion debido pa escoge nan gobernantenan cu nan
merese. Anjanan tabata pasando y Aruba no tabata mirando ningun desaroyo.
Analisando e asunto bon, John a conclui cu Aruba a conose un 25 anja cu hopy
desaroyo y prosperidad desde cu Statuut di Reino Hulandes entre otro cu nos isla
a bin na vigor na anja 1954. Desaroyo den leynan Social, desaroyo den Educacion,
desaroyo den Vivienda, desaroyo den Infrastructura, desaroyo den Cuido Medico y
desaroyo den e Economia en general y di Turismo en particular. Despues e a mira
un epoca unda e lucha pa mas autonomia es desir un sistema di gobernacion unda
politiconan di Aruba por tin mas PODER pa dicidi rumbo di nan pais. Desaroyo di
Aruba no tabata importante pa e politiconan aki. Tur desaroyo a para. Nan no
tabata sa cu PARO kier meen ATRASO. Paro no ta para e tempo y e anjanan a pasa
sin cu nada a wordo haci. Un di e pilarnan economico mas importante di Aruba,
esta LAGO, a dal porta sera. Aruba a hanja su autonomia desea pero cu un
problema gigantesco su dilanti. Con pa salba nos Pais di e resesion. Politiconan
na mando a escoge pa esnan cu a dicidi di keda Aruba, lo mester scupi hopy di
nan entrada pa trata di salba nan baranca stima. Gobierno a usa e fondonan aki y
te hasta a hypoteca futuro entradanan di Pais Aruba pa medio di Garantianan pa
construccion di Hotelnan pa asina desaroya e pilar economico aki pa carga
Aruba.
Pa medio di su miembresia na P.P.A.
John a uni su mes, desde 1987, na politica
activo di su Pais Aruba. Cu su ideologia, Social Democrata Real, P.P.A. a
demonstra den pasado y tin su Vision pa futuro excellente pa cual e a resulta di
ta e unico partido cu a cualifica pa ta e vihiculo perfecto pa un persona serio,
honesto, y cu capacidad bai dedica su bida na dje pa logra metanan grandi pa nan
pais. John a escoge pa concentra su dedicacion pa su pais den P.P.A. pa un Aruba cu un
Calidad di Bida debido:
Calidad a bira un palabra hopi bashi den boca di sierto hende. Pe, calidad di
bida mester ta na disposicion di tur hende cu kier biba un bida di calidad halto.
Lamentablemente nos ta lew di ta biba den un isla cu calidad di bida cu nos
merece. Aruba ta wordo yama un pais rico. Pero e riquesa no ta wordo reparti
debidamente. E oportunidadnan pa partisipa den e economia floresente di Aruba no
ta disponibel pa tur hende. Tin demasiado favoretismo politico den nos comunidad.
|
bravenet.com