Nabega_mi_pagina_aki.

Scoge_e_topico_di_bo_interes.

Scoge e articulo di do interes.

Comision Pro John Peterson.

Ing. John R. PETERSON

Capacidad:
Mi a gradua pa mi grado di Ingeniero Industrial na anja 1983, na HTS-Dordrecht, Hulanda. Mi a dedica mayoria di mi bida profesional despues di esey na SETAR como Operations Manager cu supervision ariba 8 departamento y sub-departamento cu un cantidad di 108 personal pa por duna un Servicio na clientela 24 ora pa dia 7 dia pa siman. Mi a traha tambe durante di 5 anja como consejero/coordinador di Ministro di Transporte y Communicacion durante e anjanan cu P.P.A. tabata den coalicion na anjanan 1989 te cu 1994. Mi area di trabao tabata den telecommunicacion y transporte publico. Mi a traha ariba e projecto di Television di Kabel conoci como "Cable TV", cual projecto despues a culmina den  CTA N.V. Na comienso mi a conseja Minister y SETAR pa SETAR tuma e consesion di Television di Kabel mirando cu pa TeleAruba N.V. esaki tabata imposibel pa finansa. Lamentablemente SETAR a nenga e consesion redondamente. TeleAruba N.V. e ora ey a hanja e consesion y un Joint Venture a wordo lanta den cual TeleAruba N.V. a hanja 25% di participacion sin tin nodo di inverti e suma cu esaki tabata representa. Un gran cantidad di otro benificio pa TeleAruba N.V. a wordo hinca de e acuerdonan pa cu e Joint Venture. Pa loque ta trata SETAR mi a conseja Minister y SETAR pa inverti den su di dos "Ground Station" contra tur deseo di top di SETAR. Tambe mi a conseja Minister y SETAR pa inverti den Kabelnan di "Fiber Optic" y Centralnan Digital rond Aruba. Un projecto cu top di SETAR anteriormente a nenga di haci den un oferta haci pa un compania Canades/Americano. A cuminsa un projecto di 10 anja pa pone Aruba como un Show Case den Carribe pa loque ta su telecommunicacion. Mi a conseja Minister y SETAR pa introduci Celular masalmente pa nos comunidad. Esaki a bira un baby cu a nace despues di casi 10 anja pa capricho di top di SETAR di e tempo ey. SETAR a prefera di cuminsa cu un sistema Post Paid sumamente caro pa despues di basta tempo pasa over pa e Pre Paid hopy mas barata pa nos pueblo. Cu tur e contratiempo sinembargo awe nos tin un fundeshi solido pa Telecomunicacion cu a wordo estableci cu esakinan. TeleAruba N.V. tambe a hanja un injeccion financiero substancial unda tanto trajador den forma di aumento di salario como nan equipo di material completo a wordo renova. Ariba tereno di Transporte Publico e anjanan ey, Aruba a conoce un expansion substansial pa por cumpli cu e demanda creciente di nos turistanan pa cu Transporte Publico. Hopy jiu di tera a hanja un trabao nobo, den forma di un permiso di core taxi, bus of trja den Car Rentals nobo, unda nan por a participa activamente den nos progreso economico y cosecha un bienestar pa nan y nan famia.

Danki pa bishita mi web-site. Mi ta spera di tabata na bo servicio y cu lo bolbe pa tur loque mi ta bay ta cambiando y agregando cada pasa algun dia.

Bek na Pagina Principal.

Tur derechonan reserva na autor/ All rights reserved to the auther.